Donostiako Udala / Ayuntamiento de San Sebastián

Donostiako Udala / Ayuntamiento de San Sebastian
donostia.org guztian bilatu:

Albisteak

Home :: Albisteak :: Donostiako Udalak enpresa malguak sustatzen ditu lan-bizitza, bizitza pertsonala eta familia-bizitza behar bezala uztartzea lortzeko

Donostiako Udalak enpresa malguak sustatzen ditu lan-bizitza, bizitza pertsonala eta familia-bizitza behar bezala uztartzea lortzeko

Jardunaldi hori asteazkenean (2007-11-28) egingo da, Kursaal Batzar Jauregian

Donostia Sustapena erakundeak enpresa malguak sustatzen ditu lan-bizitza, bizitza pertsonala eta familia-bizitza behar bezala uztartzea lortzeko


  • Hogeita hamar enpresak egin dute beren neurri-plan propioa, lehiakortasun- eta produktibitate-premiak langileen bizi-kalitatearekin bat etortzea lortzeko
  • Jardunbide Egokien Gida banatuko da. Gida horrek gomendioak biltzen ditu

Donostia Sustapena erakundeak Donostia-Equal Auzolan programa ixteko jardunaldia antolatu du. Langileen lan-bizitza, bizitza pertsonala eta familia-bizitza behar bezala uztartzeko bidean aurrera egitea da programa horren helburua.

Zer da Donostia Equal Auzolan?

DONOSTIA AUZOLAN proiektua Donostia Sustapena erakundeak bultzatzen du honako hauekin batera: Gipuzkoako Abokatuen Elkargoa, CEIT (Gipuzkoako Azterlan eta Ikerlan Teknikoen Zentroa), Gaia (Euskadiko Teknologia Elektronikoen eta Informazioaren Industrien Elkartea eta Telekomunikazioen Klusterra), Langile Komisioak sindikatua, Eudel, Eusko Jaurlaritza eta Foru Aldundia. Programak jarduera sorta zabala ezartzen du, lana antolatzeko eredu malguak ezartzea sustatzearren, betiere bizitza pertsonala, familia-bizitza eta lan-bizitza uztartzea errazte aldera.

Proiektua 2005ean jarri zen abian, eta gure hiriko enpresaren eta adierazitako uztarketaren egoera aztertzeko fase baten ondoren, metodologia aditua sortzea ahalbidetu du lan-antolaketa hobetzearren. Metodologia hori Donostiako enpresa txikietan eta profesionalengan aplikatu da eta emaitzak positiboak izan dira.


Nola garatu da Donostia Equal Auzolan programa?

Donostia Equal Auzolan proiektuak bi oinarrizko helburu ezarri ditu.
  • Bata, SENTSIBILIZAZIOA ETA KONTZIENTZIAZIOA izan zen, lana antolatzeko modu malguak sustatzeko neurriak eta uztarketa-neurriak hartzearren.
  • Bestea honako hau zen: denboraren eta lantokiaren planifikazio malguan oinarrituta, lana antolatzeko modu berrien ESPERIMENTAZIOA, BALIDAZIOA ETA EZARPENA sustatzea, baita hartarako neurri zehatzak hartzea ere.

Enpresa horiekin zuzenean egindako lanak honako emaitza hauek izan ditu:
  • 30 plan indibidual diseinatu dira (langilea-enpresa) lana antolatzeko modu malguak esperimentatzeko. Hau da, programan parte hartzen duen enpresa bakoitzak bere jardun-plana du, bere premietara egokitua; eta horrez gain, enpresa horiek diru-laguntzak jasoko dituzte neurriak aplikatzeko.
  • Antolaketak uztartzeko planak lantzera bideratutako metodologia diseinatu da (Uztarketa-diagnostikoa + Uztarketa hobetzeko plana). Metodologia hori hainbat tresnatan oinarritzen da; era berean, enpresa asko uztarketari hurbiltzea ahalbidetuko du.
  • Jardunbide Egokien Gida egin da, lanaren antolaketa malguko ereduei buruzkoa.
  • Uztarketarako Tokiko Baliabideen Gida egin da.

2007/11/28-an argitaratua

Albisteen zerrenda

© Donostiako Udala - Ayuntamiento de Donostia-San Sebastián
Ijentea 1, 20003 Donostia-San Sebastián.  (+34) 943 481000

San Sebastian 2016